Basar hin mga ginsurat na nga mga pag-aradman, an political dynasty o pamilya nga aada ha politika sugad hin nakadukot na ini ha aton kanan nasud kinaiya o sistema politikal hin kadam-an na ka-dekada an naglabay. An mga dinastiya politikal ha Pilipinas nagpapadayon nga nakakaadaptar hiton kahimtang, an mga bag-ohan nga nabutho an naliwan hadton mga dinastiya nga sugad hin napaparong na.

Han nahiuna naton nga Special Report, ha mga probinsya han aton reheyon may mga pamilya nabutho yana nga magkapot hin mga ilihado nga posisyon. Ha pira nga mga bungto may-ada liwat nagliliwan-liwan o nagsasarosalyo la nga mga pamilya diin nagigin kasagaran hini han mga mayor ug vice-mayor.

Dara hini nga nagdudugang an kadamoon han mga dinastiya politikal dinhi ha aton nasud, kaudgan han mga posisyon ha gobyerno an ginkakaptan hin mga politiko nga mga natikang hin dinastiya, sumala hin usa nga pag estudyo. Kun susumahon, dida han mga tuig 1995-1997, nakada hin 31.3% han ngatanan nga mga kongresista ngan 23.1% han mga gobernador an gin liliwanan han ira mga uropod o kapamilya.

Sigun han aton nahiuna nga report, ha kada probinsya han Reheyon 8 nagpapakita hin mga pagdugang hin mga pamilya nga nagsulod ha politika ngan malinampuson nga mga nagdaug hin maglain-lain nga puwesto - tikang ha gobernador, kongresista, mga alkalde, bise-mayor ngada hin mga konsehales han siyudad ug bungto.